ഓര്‍മ്മകള്‍

ചെമ്പട്ടുടുത്ത സന്ധ്യയുടെ പ്രണയം 
രാവിന്റെ തണുത്ത തഴപ്പായിലുറങ്ങി ..
നക്ഷത്രങ്ങൾക്കൂർന്നിറങ്ങാൻ ,
പെയ്ത രാത്രിമഴനൂലുകൾ മുറിഞ്ഞു..
മായുന്ന നിലാവിന്റെ നാളമേറ്റു വാങ്ങി 
സ്വപ്നങ്ങളുടെ നടവരമ്പിലൂടെ പോകണം
നരച്ച വസന്തത്തിലൂടെ ചുവന്ന
കടലിൽ ചെന്നൊളിക്കണം
മരിച്ച പ്രണയത്തിന്റെ മാംസം ചികയാൻ,
ദാഹം പൂണ്ട കഴുകനല്ല ഞാൻ ..
പ്രണയം വറ്റിയ നദിയാണു മൗനമെന്നെഴുതിയ ,
ഇരുണ്ട ചുവരുകളുള്ള ഹൃദയത്തിൽ ,
ഓർമ്മകളിലൂടെന്നെ കുത്തിനോവിക്കുമ്പോഴും
ഓർത്തു വയ്ക്കണമെനിക്കിനിയുമെന്തൊക്കെയോ!!