കിനാവ്

ഈ കടല്‍മാറിലായങ്ങു  ദൂരെ  ദൂരെയായ്
ഒരു തീരം  തെളിയുന്നു മുന്നില്‍

നിന്‍ നേര്‍ത്ത  ഒരു ചിരി  മതി  ,,
അവിടേക്ക്  വെളിച്ചം വീശാന്‍

നിന്‍റെ ഒരു ചെറു വാക്ക് മതി ,,
 ഈ കൊടും കാറ്റിനെ വഴി  മാറ്റി വിടാന്‍

നിന്‍റെ  ഒരു  സ്പര്‍ശം മതി ,,,,,
ആര്‍ത്തിരമ്പും ഈ അലകളുറങ്ങാന്‍

 ഇനിയും  നിനക്കാകുമോ
എന്‍  പ്രണയതിന്‍ നേര്‍ക്ക്‌   മിഴി പൂട്ടാന്‍

വരൂ ,,മാരിവില്ലൊരു  തോണിയായ്‌ മാറ്റി -
യിരു സ്വപ്നങ്ങളത്തില്‍  പാമരം ബന്ധിക്കാം

തുഴയാം നമുക്കാ ചെറു തീരം തേടി
അവിടൊരു കൊണിലായ്‌ ഒലിവുമര-
ചില്ലയില്‍ ചെറു കൂടൊന്നു കൂട്ടാം
നിന്‍ കുറുകല്‍ നെഞ്ചോടു  ശ്രുതിയാക്കി
ഒരു നൂറു ജന്മങ്ങള്‍ പങ്കിട്ടെടുക്കാം ,,,,
ഒടുവിലൊരു നാളിനി ഒരേ ചിതയ്ക്കായി
ഈരുയിര്‍ നല്‍കി  വിട പറഞ്ഞകലാം